《瞬間看地球》Stranger's Blog

今日行程：
北アルプス大橋 → 新穂高ロープウェイ → 北アルプス大橋 → 八兵衛 (午餐) → 藤波八丁遊歩道 → Gattan GO! → 神通峡 → 廻る富山湾 すし玉 (晚餐) → フィール宇奈月 (住宿)

噚晚唔記得買今朝嘅早餐，呢頭又冇便利店，附近商店又未開，唯有捱住餓先......

今日第一站「北アルプス大橋」

沿途風景~

上到嚟大橋，天雖然係光嘅，但雲好厚~
停車場位置~

 

「北アルプス大橋」~

呢度啲紅葉好靚~

下一站「新穂高ロープウェイ」

我哋 09:00 到，但第一駐車場都已經滿咗，咁早已經滿咗......
而第二駐車場都有唔少車，犀利~

停車場呢邊已經好靚~

後面仲有條溪~

 

泊好車，第一時間搵嘢食先，就嚟餓死~

喺附近見到好似有熱食，正！
走過去睇吓，有五平餅賣~
五平餅，聽就聽得多，但就未食過，咁啱晒啦~

 

買五平餅都要攞牌仔......

 

等緊五平餅嘅時候就周圍睇吓~

結果，呢個五平餅，等咗十五分鐘都有......
我自己就麻麻地，屎塔就話幾好食~

「新穂高ロープウェイ」分兩段纜車，票可以分開買的~
第一段係「新穂高温泉駅 → 鍋平高原駅」
第二段係「しらかば平駅 → 西穂高口駅」
兩段中間嘅轉車地方就係「鍋平高原」

喺售票處，有個螢幕，實時顯示山頂嘅情況，而家嘅情況係白濛濛一片，只有雲霧......
不過一場嚟到，照上啦，最多喺中層留耐啲拖吓時間，等啲霧散~

第一段纜車沿途風景~

鍋平高原~

第二段嘅纜車，最大嘅特式係雙層嘅~

 

行完鍋平高原，冇咩做就上山頂~

第二段纜車沿途風景~
初段風景非常美麗，不過好快就進入迷霧，白濛濛一片......

上到山頂，同售票處個螢幕一樣，白濛濛一片~

呢度同白川鄉個天守閣展望台一樣，有個識多國語言嘅攝影師喺度，一樣有講「買唔買冇問題」~
佢有兩個牌俾人揸住影相，一個係「標高 2156 米」，另一個係「氣溫 1°C」

霧呢，就應該有排都唔散，甚至乎全日都係咁~
所以，留咗一陣，到此一遊就算~

第二段纜車回程~

太陽出來後的「鍋平高原」~

第一段纜車回程~

下一站「北アルプス大橋」
我哋實在太回味北アルプス大橋嘅美景，亦為今早冇乜太陽感到可惜，反正都算近，決定去多次~

嚟到又有厚雲，但總算比今朝好~

下一站「八兵衛 (午餐)」

沿途風景~

原本計劃係去「ゆうき房」食午餐嘅，不過去到嘅時候佢話預約滿咗，服務唔到我哋......
咁我就即刻睇吓去邊度食嘢啦~
主要都想近返「藤波八丁遊歩道」(食完嘢之後會去嘅地方)~

喺ゆうき房隔籬，係一間大藥房，屎塔話想過去睇吓~
唔通佢仲未好返？但佢冇屙喇喎~
屎塔話係有唔舒服，但又講唔出點唔舒服~
喺藥房買咗啲成藥，希望有幫助啦~

食嘢嘅地方都係求其搵，最緊要有開，最後就揀咗「八兵衛」~
不過我就唔知道八兵衛有冇地方泊車，所以就決定去藤波八丁遊歩道嘅泊車點，咁陣間點行都方便~

有旅遊網(忘了是否官方的)提過，去藤波八丁遊歩道，車可以泊「神岡振興事務所」~
其實我都半信半疑，泊政府機構都得？可能因為呢度係小社區啦~

去到神岡振興事務所門口，又真係無人看守，可以自出自入~

泊好車就行過去八兵衛~

沿途風景~

行到八兵衛，原來係食中華そば，都有少少覺得揀錯，不過是旦啦~

 

チャーシューラーメン (叉燒拉麵)
正常味道，幾好~

玉子とじうどん (雞蛋湯烏冬)
味道不錯~

下一站「藤波八丁遊歩道」

食完嘢就行過去~
沿途風景~

到咗藤波八丁遊歩道，絕大部份樹葉都係綠色，一度懷疑嗰啲唔係紅葉~
行近啲睇，係紅葉嚟，只係未轉色~

對面已經轉咗啲色，係呢邊唔知點解未轉~

 

行行吓見到有條樓梯，可以落下面望吓~

返返上嚟之後都冇打算行落去，下個地方係要指定時間前去到，所以早啲起程好過~
返去攞返部車先~
沿途風景~

下一站「Gattan GO!」
Gattan GO! 係單車鐵道遊，有兩條路線可以選擇：
1. まちなかコース (Town course)
2. 渓谷コース (Canyon course)

我哋紅葉季節嚟，一定係揀渓谷コース (Canyon course)~

預約咗 14:30，我哋 14:00 就到~
去到報到咗先，仲要填啲免責聲明呀，緊急聯絡人呀之類嘅嘢~
搞完手續，佢叫我哋 14:25 要去個帳篷度聽講解~

咁而家冇嘢做就周圍望吓~

之後冇咩做就返上車等~

講解主要係啲安全嘢，例如要同前車隔最少 20 米距離，又要戴頭盔同安全帶~
車呢，就唔係任坐嘅，佢已經安排好晒邊一對人坐邊一架車~

成個過程，係踩 3.3 公里到盡頭，休息十分鐘，工作人員會喺盡頭將啲單車原地 180° 轉，咁就可以踩返轉頭~
過程可以話幾辛苦，絕非想像般悠閒，非常花腳力去踩，踩完腳都軟晒......
之前喺韓國旌善都玩過單車鐵道遊，兩次相比，今次係辛苦過韓國嗰次好多~

不過風景優美，絕對值得~

下一站「神通峡」
噚晚睇過啲紅葉資訊，神通峡仲未轉色，原本諗住唔嚟嘅，不過睇返，叫做順路嘅都冇咩地方可去，所以都係決定過去睇吓~

神通峡，我自己就記低咗有兩個地方可以停吓車而附近都有啲景可以睇吓嘅~

第一個位係有條紅色橋嘅附近~

第二個位係「神二ダム」

兩個位都幾好，好彩有嚟到~

行程完成時間比預期早，但天色開始暗，其實都冇咩地方可去~
今晚嘅旅館喺宇奈月，都有啲距離，其實可以而家過去，過到去食晚餐就啱晒~
但係，我本來計劃係喺富山食寿司的，富山近富山灣，海鮮特別美味，我又唔係好想跳過呢個行程~
但如果而家過去，最遲 17:00 就會到~
17:00 食晚餐實在係有點早~
經過商議後，決定照原定計劃去富山食寿司，反正今日午餐唔算食得好飽，而家絕對有胃口，頂多買啲嘢食預今晚會肚餓~

下一站「廻る富山湾 すし玉 (晚餐)」

去到見到有五六個人喺門口食煙傾偈，冇理由五點鐘要排隊呀，我唔信囉~
推門入去，嘩，都咪話，都八九成滿！
五點都咁多人，犀利~

落 order 時，師傅知道我哋唔係日本人，好細心問我哋：「山葵 OK?」，有新嘢出又問咗我哋先，好窩心~

大約 17:15，已經滿座，之後嚟嘅人開始要排隊，好誇張，可能我見識少~

食食吓，轉咗另一個師傅，再落 order 時，遞上嘅寿司，入面嘅山葵比之前嗰個多十倍有多！絕無誇大，係多好多！
咁，究竟係之前落嘅太少，還是呢個落嘅太多？
雖則我唔係好多經驗，但我亦唔係第一次喺日本食寿司，以第二個師傅落嘅山葵量嚟講，我係從未遇過咁多，連接近都冇~
所以，我好主觀咁相信佢係刻意嘅~
不過點都好，我都會食，我仲會極力控制住，唔可以俾佢見到我頂唔順！

食嘢期間我跌咗個電話落地，多謝在場嘅工作人員幫我執返，非常感謝~

至於寿司，好好食，好新鮮，尤其個海膽，真係好好食~

 

仲有富山名物，上至下為：
白えび (白蝦)
ほたるいか (螢光魷)
カニぼらみ (螃蟹)

 

三款寿司以螢光魷較為特出，其餘兩款都唔錯~

嚟嗰時有五六個人遮住就影唔到相，走時補返~

 

食完嘢就開車去「フィール宇奈月 (住宿)」

去到發現冇位泊車，但其實又唔係真係冇，有幾個位放咗糕筒，唔敢泊，check-in 時問吓佢~
細問之下，原來放雪糕筒都係幫我留位嘅，咁我就泊咗喺其中一個位度，不過要留匙~
我乘機問埋佢聽日可唔可以遲啲先揸走部車，佢話唔可以，其實我都預咗，佢唔係好多位，當然要留返俾聽日嚟嘅住客~
不過，佢原來同另一處地方有合作關係，可以俾我聽日 check-out 後泊部車過去，咁就唔駛泊收費停車場，正！

今晚間房又有嗰啲昆蟲，同時又係每次只見到一隻，極之奇怪！

而屎塔呢，食咗成藥都好似冇乜幫助，希望瞓一覺會好啲~