《瞬間看地球》Stranger's Blog

我哋唔知幾時開始，開始關注 Asia Miles 嘅嘢，直至上年四月初，屎塔話啲分裡面，其中有幾百分出年(即係今年啦)年頭到期~
本來我哋一心諗住儲分去歐洲先用，咁當然，呢個目標唔容易達到，所以就邊儲邊評估~
我哋評估過，再儲落去，直至嗰幾百分到期，都一定儲唔夠分去歐洲，所以就決定用啲分去一次日本~
就係咁，就用啲分換咗二人來回北海道直航嘅機票~

對上一次去北海道，剛好係十年前，同屎塔第一次去旅行，我同佢都未去過北海道的~

今次去北海道，主要目標係想坐破冰船，因為我哋覺得遲吓都應該好少機會有得坐啦......
睇返資料，遇到有冰可破嘅日子，真係一年比一年少，就算我哋今次去嘅時期已經係機率比較高都好，其實我都冇咩信心~

冬天去北海道，特別想去啲湖區，所以然別湖、阿寒湖、摩周湖同屈斜路湖就成為咗必去嘅地方~
其實仲有美瑛係好想去，不過唔夠時間，下次玩道北先再去吧~

後來睇睇吓，仲可以跟團行知床五湖，正！

冬天嚟北海道，有得擇的話，唔會選擇自駕，始終冇乜雪地經驗，所以成個旅程都要搭車~
冬天北海道啲巴士疏到呢......我都唔知研究咗幾多個日與夜先砌好個行程~
今次都 join 咗好幾個 local tour，解決咗部份交通問題，正！

今次冇自駕，但有參加雪地駕駛體驗，期待！

今次要去道東嘅湖區，可能會好凍，衣著方面要有所準備~
我就埋首我嘅行程，屎塔就搞掂晒衣著嘅問題，100 分！

計劃好嘅行程如下：

Day 01：藻岩山展望台 → Garaku Soup Curry(晚餐) → 札幌白色燈樹節 【旅館：Hotel Mystays Sapporo Aspen】

Day 02：ドライビング体験プラン → 元祖豚丼のぱんちょう(午餐) → 旅館(晚餐) → 然別湖 【旅館：然別湖畔温泉ホテル風水】

Day 03：然別湖 → 旅館餐廳(午餐) → 北の屋台(晚餐) 【旅館：天然温泉「白鳥の湯」スーパーホテル釧路駅前】

Day 04：鶴見台 → 屈斜路湖、砂湯 → 硫磺山 → 弟子屈町(午餐) → 摩周湖第１展望台 → 阿寒湖→ 旅館(晚餐) 【旅館：ニュー阿寒ホテル】

Day 05：阿寒湖 → 愛奴村(午餐) → 旅館(晚餐) → 摩周湖第１展望台 【旅館：お宿　欣喜湯 (旧川湯ホテルプラザ)】

Day 06：川湯温泉 → 北浜駅展望台 → 軽食＆喫茶『停車場』(午餐) → オホーツク流氷館 → 花のれん(晚餐) 【旅館：網走　ホテルオホーツク・イン】

Day 07：破冰船 → 網走監獄博物館 → フードコート「キネマ館」(午餐) → 旅館(晚餐) 【旅館：知床ノーブルホテル】

Day 08：知床五湖 → ウトロ漁協婦人部食堂(午餐) → 知床流冰 → Yakiniku 網走ビール館(晚餐) 【通宵巴士：北海道中央バスドリーミントオホーツク号】

Day 09：中央卸売場外市場 → 羊ヶ丘展望台 → 新千歳空港

出發！