今日行程:
【Karlovy Vary】Sadová Kolonáda(Park Colonnade) → Altánu Pramene Svoboda(Freedom Spring Arbour) → Mlýnská Kolonáda(Mill Colonnade) → Tržní Kolonáda(Market Colonnade) → Zámecké Kolonádě(Castle Colonnade) → Karlovarské Městské Divadlo(Karlovy Vary City Theatre) → Kostel Maří Magdalény(St. Mary Magdalene's Church) → Vyhlídka Jelení Skok(Deer Jump Lookout) → Mayerův Gloriet Altánek(Mayer's Gloriette Gazebo) → Vyhlídkový Altán Kristýna(Kristyna Lookout) → Vyhlídka Petrova Výšina(Peter the Great Lookout) → Pravoslavný Kostel Sv. Petra a Pavla(Orthodox Church of St. Peter and Paul) → Smíchovský Pavilon(Lunch) → 【Loket】Marktplatz Loket(Marketplace Loket) → Hrad Loket(Loket Castle) → Kostel svatého Václava Loket(Church of St. Wenceslas Loket) → 【Hluboká nad Vltavou】Restaurace Hubert(Dinner) → Hotel Podhrad(Accommodation)
早餐都係嗰啲火腿芝士咁~
較為特別嘅,係佢嗰兩圈紅椒,好香甜,好好食!
同埋佢片麵包上面加咗啲好似係糖霜咁嘅嘢,又幾好食~
不過杯橙汁就真係難飲,唔係唔好飲,係難飲......
今日第一站,閒逛吓 Karlovy Vary 呢個溫泉鄉~
旅館位置離市中心唔係好遠,我貪佢有免費泊車~
不過而家真正行去市中心就知道,拉直線嚟講係唔遠嘅,但行呢,原來要左兜右兜先去到~
不過只係比預期花多咗時間,實際上都只係 15 分鐘路程,還可以吧~
況且間民宿係幾好,絕對冇後悔~
喺 Karlovy Vary 市中心,好多各式各樣嘅溫泉泉水出水口~
而且會標示埋溫度~
見過最高溫度為 65ºC,焫手咖~
無論大人~
定小朋友~
都會用呢啲杯嚟裝泉水飲~
呢啲杯,個柄係飲管嚟,直通杯芯的~
喺 Karlovy Vary,周圍都買得到~
其實真係幾靚,都好想買返隻,不過知道最後都係變垃圾,所以都係冇買~
行經唔同嘅溪,都會見到煙霧瀰漫,因為有啲泉水出水口喺度~
Karlovy Vary 有好幾個迴廊,有啲都幾靚~
Sadová Kolonáda(Park Colonnade)
Altánu Pramene Svoboda(Freedom Spring Arbour)
Mlýnská Kolonáda(Mill Colonnade)
Tržní Kolonáda(Market Colonnade)
Zámecké Kolonádě(Castle Colonnade)
仲有個叫 Vřídelní Kolonáda(Got Spring Colonnade) 嘅迴廊,不過裝修緊,封住晒就睇唔到了~
途經 Karlovarské Městské Divadlo(Karlovy Vary City Theatre)~
途經 Kostel Maří Magdalény(St. Mary Magdalene's Church)~
室內禁止攝影,以上室內圖片來自維基百科~
市中心都叫做行夠嘞,而家就上山睇風景~
我計劃好會去兩個地方,一個係 Vyhlídka Jelení Skok(Deer Jump Lookout),另一個係 Vyhlídka Petrova Výšina(Peter the Great Lookout)~
由於資料有限,我只係估計,首先會到達 Deer Jump Lookout,再向上行,先會到高啲嘅 Peter the Great Lookout~
由市中心行上山,只憑睇地圖,睇吓邊條路可以通往山上,再試吓行~
行到 Deer Jump Lookout,基本上唔可以話係一個觀景台~
繼續向上行~
雖然此路不通,不過呢條唔係主路,主路係暢通無阻可以繼續向上行的,只係呢度咁樣,唔知仲上唔上到眼前呢個 Vyhlídkový Altán Kristýna(Kristyna Lookout)~
繼續行就嚟到呢個 Mayerův Gloriet Altánek(Mayer's Gloriette Gazebo)~
風景唔錯呀~
周圍行吓,原來有路行過去 Vyhlídkový Altán Kristýna(Kristyna Lookout)~
個景就......
個亭起喺舊石上面~
呢邊仲有間餐廳,有個露台,係另一邊嘅風景~
見到一間我幾感興趣嘅教堂,Pravoslavný Kostel Sv. Petra a Pavla(Orthodox Church of St. Peter and Paul)~
再向上行就嚟到 Vyhlídka Petrova Výšina(Peter the Great Lookout)~
呢度分上下兩層,不過風景都係差唔多~
遠望 Rozhledna Diana(Diana Observation Tower) 同纜車站~
由於興趣不大,冇按排上去~
幾個觀景台,風景其實都差唔多,不過百看不厭~
之後就去 Pravoslavný Kostel Sv. Petra a Pavla(Orthodox Church of St. Peter and Paul),一間我覺得好靚嘅教堂~
佢係一座俄羅斯東正教教堂,係捷克最大同最重要嘅東正教教堂~
我哋從另一邊落山~
去到教堂,對開條街好窄,又多樹,唔好話影相,其實就咁睇都唔係睇到幾多~
後來喺門口見到呢個牌,哦~~~原來我哋去咗佢嘅後面~
行返去前面,好好多~
呢間教堂真係好靚~
室內禁止攝影,以上室內圖片來自維基百科~
睇完教堂,係時候去食飯了~
我決定去返噚晚食唔到嗰間,即係 Smíchovský Pavilon~
教堂隔籬有個位,見有啲人行入去影相,又八卦走入去睇吓~
原來大家都係影教堂~
喺東正教教堂附近,啲建築都幾靚~
不過呢頭都幾多樹,好多都影唔到相~
仲有一小段路就到餐廳,屎塔問我,而家呢度行去攞車快定餐廳快,我話行去車會快少少~
屎塔話不如揸車去,食完嘢就走~
其實時間同順路上,咁係最好,但揸車去食飯,就要諗泊車問題~
我知道餐廳有位泊車嘅,就揸車去睇吓有冇位~
結果呢,兜咗兩個圈都冇位,就喺隔籬街搵到唯一一個車位,泊完再行過去~
老實講,仲用多咗時間~ XDDD
Smíchovský Pavilon
其實,入面(我身處位置)大把位停車,只係俾啲車頂住入唔到嚟......
嚟到餐廳呢刻係 13:00,我原定計劃係 12:45 食完飯開車的......
即係而家比原定計劃遲咗個幾鐘,不過今日下午行程本身就同計劃唔同,因為唔會去野生動物園,改去 Loket~
就算比原定時間遲咗咁多,都應該夠時間行 Loket,Klatovy 就......應該去唔到喇~
Lemonade & Mirinda
佢杯 Lemonade 好好飲~
DILL SOUP
with cream, poached egg, season's mushrooms, fresh dill and potatoes
湯好香,幾好飲~
BEEF HEEL OF ROUND
on mushrooms with basmati rice, caramelized silver onions
牛好稔,味道可以,但唔係特別好食~
而佢面嗰啲蘑菇係生咖,好難接受......
BOAR MINCED STEAK WITH SOFT CHEESE
mashed potatoes and a small mixed salad
第一次食野豬,又香又有咬口,好好食~
Karlovy Vary 係一個好靚嘅城市,周圍都好靚,雖然行到有啲攰,不過真係有啲唔捨得走~
Karlovy Vary 隨影~
下一站 Hrad Loket(Loket Castle)
一座有近 800 年歷史嘅中世紀城堡~
揸車過去 Loket 嘅時候,發現個車 cam 冇錄影,整咗幾嘢都搞唔掂~
於是我就停埋一邊搞搞佢,試咗好多方法,包括 reboot、reset、format 張卡等等,通通冇用~
個車 cam 係我新買返嚟專登俾呢次旅程用嘅,為自我保護又好,全駕駛記錄又好,兩樣都係好重要~
而家用咗一日就罷工,垃圾!
點搞都唔,無奈死心,繼續上路~
途中經過一個廣場咁上下嘅地方,好似幾靚,就停低睇吓~
再開車時,google map 點咗我行一條好窄嘅路,我唔敢入,返返去大街,停埋一邊再研究~
睇返地圖,原來我已經喺 Loket 呢個鎮入面,我而家就係身處喺佢市中心個廣場,Marktplatz Loket(Marketplace Loket)~
我呢刻先醒起,其實我事前冇睇過部車可以泊邊,而呢度又有啲錶位可以停車,一係泊喺度行上去?
由於呢個鎮唔係啲個個都會嚟嘅景點,網上資訊有限,於是我決定落車問人~
問咗兩個人,第一個唔識英文,表逹唔到~
第二個都係唔識英文,我就主動問佢,係咪應該泊喺度再行上去,佢點頭話 yes~
其實我都唔肯定對方會唔會因為溝通唔到,先建議我泊喺度就算~
不過唔緊要,都唔係好遠,就咁話啦~
未試過泊呢啲錶位,要泊呢啲錶位要喺部機度俾錢先,不過應該都唔會有咩困難嘅,最緊要有英文~
好順利咁俾到兩個鐘頭泊車錢,相信將收據放車頭就得~
不過我沿途行過,都唔見啲車有泊車飛嘅,唔理啦,照放~
差唔多到城堡時見到有個資訊牌,原來城堡收 16:30 咁早~
而家都成 15:20,得一個鐘多啲,都唔知夠唔夠時間遊覽,不過都冇得揀啦,入啦~
入場要影展品的話,要另外俾 Kč20(約 HKD$7)~
一齊嚟嘅,俾一次就得~
雖然唔知入面有咩展品,不過只係 Kč20,俾啦~
呢個有近 800 年嘅城堡,真係勁有中世紀感覺,保存得好好,好到好似行緊拍戲嘅場景咁~
好多謝民宿伯伯,呢度真係好正,如果個城堡大啲就仲正~
除咗城堡本身好有參觀價值之外,呢度有個 Chamber of Torture,睇完呢個,我覺得要搵一個比佢更好嘅同類型嘅展覽係有啲難度~
呢個展覽喺一個中世紀城堡入面實地展出,係非常有氣氛同感覺,真係冇得頂!
有啲場景仲有聲效,有啲鐵鍊聲、石磨聲、人類痛苦嘅呻吟聲等等,效果好好~
(咁我梗係唔係覺得有人被折磨嘅慘叫聲好好聽啦......)
初時見城堡唔大,以為好快行晒,點知喺 Chamber of Torture 入面,睇極都睇唔完~
睇完一層又可以落下一層,睇完一層又再可以落下一層,睇到好似深入緊地獄咁~
為咗喺閂門前睇得晒成個城堡,只好走馬看花,真係有啲可惜~
之後就行咗上城塔~
塔底有隻咁嘅嘢~
時間差唔多,就往城堡出口離開~
到城堡出口時,聽到有啲小朋友喺上面啲木走廊度奔跑,發出好大嘅腳步聲~
唉,這可是有 800 年歷史嘅古蹟啊,大人們可唔可以控制吓啲小朋友?呢度唔係俾小朋友放電嘅地方呀~
現場影唔到成個城堡嘅樣,以下圖片來自官網~
之後經過 Kostel svatého Václava Loket(Church of St. Wenceslas Loket),又去參觀吓~
離開 Loket 前又周圍行咗個圈~
呢刻可以鐵定冇時間去 Klatovy 喇~
直飛今晚住嘅地方,Hluboká nad Vltavou~
由呢度去 Hluboká nad Vltavou,要成三個幾鐘~
沿途絕少上高速公路,可能呢頭根本冇乜高速公路,9x% 都係雙線雙程,迂迴曲折嘅道路~
啲人揸車可以用狼死嚟形容,我自問真係一啲都唔慢,已經喺我認為我能力範圍內,安全情況下揸到最快,亦絕對唔係舞緊龍頭,但仍然不時被扒頭~
有啲路好窄,窄到冇中間分隔線,遇有大車對頭,其實都幾危險~
經過好多舊城鎮,有啲甚至唔可以話係鎮,只係兩旁有唔夠十間屋咁嘅地方,不過非常有味道~
可恨個車 cam 廢咗,未能記錄下來,垃圾!
三個幾鐘頭,不停經歷大雨同冇雨,走入黑雲就落大雨,走出黑雨就冇雲,重覆又重覆~
本來我諗住到旅館 check-in 先嘅,不過屎塔話為免好似噚晚咁,都係食咗飯先,反正間旅館 check-in 時間最夜去到 23:00,我哋一定唔會咁夜~
Restaurace Hubert
唔知呢間餐廳,部份肉類係咪自己打獵打返嚟呢,牆上掛滿動物標本~
Ice Tea Nestea Peach & Hot chocolate
自動送上麵包,呢幾日以嚟,第一間有送麵包~
(後記:初頭唔知收唔收錢,埋單時睇過,係免費嘅~)
Roasted zander fillets with basil
魚係算有啲魚味,不過魚皮好稔,同埋唔熱,認真麻麻~
Wild boar with rosehip sauce and cranberries garnish
本來想叫魷魚嘅,不過佢話冇,諗嚟諗去,最後再次叫返野豬~
今朝食係炸嘅免治肉餅,而家試吓成舊肉嘅~
味道冇今朝食嘅咁有肉味,講唔上好食,我會用有趣嚟形容,不過唔係好熱~
呢度有熊掌食,不過唔知點解叫唔落手,真係講唔出原因~
服務員態度超好,只係食物質素一般~
食完飯就去 Hotel Podhrad(旅館) check-in~