《瞬間看地球》Stranger's Blog

有一日，屎塔話俾我知最遲三月要清幾日假，我又查吓自己啲假，原來我最遲四月都要清幾日假~
自己心入面諗，不如一齊放假搵啲嘢做，諗吓諗吓就諗到不如去玩幾日~

澳門？玩一日都難......
大陸？我哋都好少返大玩......
不如去台灣啦，台灣東邊我都未去過~

放咗工見到屎塔，我話不如去玩幾日，屎塔竟然已經諗好去東京玩！
好，東京就東京！

後來傾傾吓不如同茄康一齊去，如果同茄康去，就去台灣，因為茄康之前提過好想好想一齊去台灣~
最後茄康因為某啲原因去唔到~

咁去日本啦~
之前屎塔又諗過同媽咪去玩吓，咁，不如問吓媽咪同屎塔妹兩公婆(珊飛)啦~
同得佢哋去，不如趁今次機會去貓島啦，五條友都鍾意貓，一於廣島入四國~

珊飛原本今年已經有晒旅行計劃，所以都好掙扎去唔去好~
不過最後都係抵唔住貓島嘅誘惑，結果，五人成行！

不過由於珊飛今年都會去廣島，為免重疊，我哋改為由大阪出入四國~

由於同屋企人去，唔想食得太隨心，我將搵食肆嘅重任交咗俾屎塔，一來我冇乜時間，二來我一向冇乜心機搵食肆......

阿飛要求途經神戶時，俾少少時間佢行吓 KAMO(體育用品公司)，所以第一日就會喺神戶停留一陣~

今次阿飛同媽咪都會試吓揸車，不過佢哋都係雪藏牌，擔心多少都有啲，不過一齊去玩，最緊要大家開心，只要佢哋唔介意我俾啲意見，應該冇問題~

三月份，有啲景點係唔開放嘅，有啲可惜~
計劃好嘅行程如下：
Day 01：ORIX租車(関西空港店) → 一蘭(泉大津店) → KAMO(神戶兵庫店) → Tokyu Hands(三宮店) → たあちゃん(骨付鳥) → 酒店(イーストパーク栗林)

Day 02：栗林公園 → 蒲生烏冬 → 金刀比羅宮 → 中野うどん学校 → しょうゆ豆本舗×浪花堂餅店 → 小便小僧 → 酒店(新祖谷温泉ホテルかずら橋)

Day 03：落合集落展望台 → 酒店食早餐 → 祖谷葛藤橋+琵琶の滝 → 大步危遊船 → 弘人市場 → 大丸 → 播磨屋橋(或要去埋 Aeon) → 四万十川安並水車里 → 佐田沈下橋(如有時間去埋三里沈下橋) → 味劇場ちか → 酒店(オオズプラザホテル)

Day 04：青島 → 酒店 → 道後麦酒館 → 道後商店街 → 道後溫泉本館 → 酒店(道後やや飯店)

Day 05：道後溫泉本館 → 乘搭少爺列車 → 松山城 → 五志喜 → 毛巾美術館 → 錢形沙絵 → ししくい(海女料理) → 酒店(鳴門海月)

Day 06：千畳敷展望台 → 鳴門公園展望台 → 渦之道 → うずしお汽船 → かっぱ寿司(泉大津店) → ORIX還車(関西空港店)

出發！