今日行程：
【福島県】豬苗代湖(長浜) → 会津さざえ堂 → Denny's(午餐) → 塔のへつり → 【栃木県】宇都宮みんみん(晚餐)《住宿：宇都宮東武ホテルグランデ》
早餐都係嗰啲，其實唔係好合胃口，不過通常日式早餐都係咁~
噚日有人嚟到車邊接待，都冇影到間旅館，今朝補返~
離開旅館結賬後，我哋對鞋已經攞放喺著鞋位嘅最中間位置，好有心~
不過就冇幫部車除雪~
我就唔係話要求要有咁嘅服務，我真心唔需要，呢啲嘢自己做得喇，唔駛麻煩人，只係難免會比較啫~
而家出發去豬苗代湖嘅長浜，據講有無數候鳥棲息~
沿途隨影~
嚟到豬苗代湖 - 長浜，喺停車場已經有一堆~
行落個灘度仲多~
不過呢，我見人哋啲相有好多天鵝，但我哋只係見到幾隻，其他嗰啲係......雁？
佢哋啲腳印好搞嘢~
禁止狗狗進入，咁又係呀，如果俾狗入，場面應該好混亂~
睇夠就離開，而家去会津さざえ堂~
呢個堂嘅設計好特別，螺旋形嘅~
上落位唔會有交曡，沿路上向前行就會沿路落~
可惜建築物上冇積雪，否則螺旋形嘅輪廓就會更明顯~
会津さざえ堂對開環境都唔錯~
再向上行就係白虎隊嘅墓地~
不過我哋上嚟只為企高望遠，風景唔錯~
本來定好咗去令来軒食堂食会津豬扒，不過去到嘅時候冇開~
呢次旅程都預到幾多摸門釘情況......
其實我仲有個後備餐廳，不過要查吓佢個營業時間~
佢冇官網，上 google map 睇，顯示永久停業......
再 search，提供会津豬扒嘅，一係好唔順路，一係星期一定休，好多都星期一定休~
唔理喇，向住下個景點行住先，沿途再睇，放棄食会津豬扒~
行過見到 Denny's，唔知咩嚟，門面靚靚地咁，不過由於喺對面線，所以都係停埋一邊，上網睇吓咩嚟嘅先~
原來佢係好似我哋之前喺九州食過間 Joyfull 咁，好多選擇嘅西日式餐廳~
咁掂啦，費事再諗，又有停車場，方便，就佢啦~
カットステーキ
Sliced Steak with sauce
海老フライ
Fried Shrimp
咁嘅價錢，當然唔係高級和牛，但有時有啲咬口嘅牛肉，都唔錯，幾有肉味~
炸蝦就冇乜特別~
た～っぷりたらこのスパゲッティ
Cod Roe Spaghetti
ベーコンとブロッコリー～チキンブイヨンがけ
Bacon & Broccoli topped with Chicken Bouillon
個明太子意粉相當唔錯，唔會過鹹~
牛油係用北海道產，唔知係咪因為咁，個意粉係好好食~
煙肉西蘭花係想像到嘅味道，都唔錯~
食物質素絕對比預期好~
睇 menu 時見到佢啲甜品都吸引，食完正餐再一人叫一個甜品~
DEVIL'S ブラウニーサンデー
Devil's Brownie Sundae
我體重咁多年嚟都冇乜點變過，但今次去完日本之後，重咗差唔多十磅！
我認定咗係呢杯嘢搞成我咁！呢杯嘢真係勁邪惡！又勁好味，痴Q線咁好味！
食到中途，樣樣嘢都溶咁啲仲好味！係痴Q線咁好味！
キャラメルミルクプリンミニパルフェ
Caramel Milk Pudding Mini Parfait
焦糖我就一般，不過屎塔話幾好食~
食完呢餐超滿足，當然主要係個邪惡嘅甜品啦~
食飽飽就開車去塔のへつり~
去到停車場，發現成個停車場都係雪，唯有四圍搵吓有冇咩地方可以停吓~
不遠處有一個位，好彩~
行到去塔のへつり，原來冬天唔開放，唔怪得停車場冇人除雪~
咁就落唔到下面條橋了~
左邊有間商店，一場嚟到，就過去行吓~
不過如果塔のへつり冬天唔開放，佢真係有生意？
行到去舖頭，得一個店員，相信係老闆吧，佢不停用手勢好誠懇咁邀請我哋行去露台~
原來佢係叫我哋出去睇景~
落唔到條橋，可以去佢個露台度睇景都唔錯呀！
喺露台時，我哋商量好點都買啲嘢~
不過行過晒都真係冇嘢買得落手~
佢主要賣啲乜乾物乾咁，即係類似芒果乾嗰啲~
我自己由細到大，屋企買親我都唔食，真係唔多鍾意食~
行咗個圈，原來老闆早已準備好嘢俾我哋試食，其實試食完都係唔多啱~
但人哋咁好主動叫我哋出去佢個露台睇風景，唔啱都要買啦~
最後買咗一包，我哋都相信我哋未必會食~
買完就離開~
由於聽日要喺成田機場離開，我揀咗個中間點今晚落腳，宇都宮~
沿途隨影~
做功課時，睇吓喺宇都宮食咩，全部都係餃子，咁就入鄉隨俗，晚餐食餃子~
不過餃子就係餃子，唔覺得會好食到飛天，所以都不抱咩期望~
喺眾多餃子店入面，隨便揀咗間方便嘅，近旅館嘅就算，呢間都有人氣嘅~
宇都宮みんみん
嚟到時有兩個人排緊隊，門外有 menu，好簡單嘅 menu，純純的吃餃子~
我哋叫嘅都係一樣~
焼餃子(1人前)+水餃子(1人前)+ライス
一如期望，係好食嘅，但，都係咁啦~
食完嘢就步行返旅館~
留言列表
