今日行程：
Salzburg (薩爾斯堡)、Oberammergau (上阿瑪高)
今日係 Salzburg (薩爾斯堡) 一日遊~
晨早 06:30 就開車前往 Salzburg~
Wolfgangsee 上仲有好濃厚嘅晨霧~
半個鐘時間，個天已經光晒，又會咁快嘅~
見到 Festung Hohensalzburg (薩爾斯堡城堡)~
見到 Festung Hohensalzburg，即係就快到，不過，入 Salzburg 嗰條路，非常塞車！
我而家嘅目的地係去一個距市中心有一點路程嘅停車場，因為市中心泊車比較貴，我寧願行多幾分鐘泊個平啲嘅~
不過，以而家咁嘅塞車情況，再貴嘅停車場我都願意泊，一心想盡快放低部車先~
有人唔趕時間都好怕塞車，時間唔係問題的話，我又唔係好怕，不過去旅行又點會唔介意浪費時間喺塞車度呢~
比較好彩嘅係，我哋而家身處嘅位置，算係近我哋想去遊覽嘅地方~
咁就得嘞，只要搵到停車場，即刻放低部車，解決現時呢個咁惡劣嘅塞車環境先~
都搵咗一段時間先搵到停車場，其實係塞咗一段時間......
好貴，不過唔理喇，照泊！
我計返我要泊嘅時數，應該要俾佢嘅日泊費，承惠 €20.7......
係好貴，不過點都唔及旅遊時間嘅寶貴~
Salzburg 係奧地利其中一個重要城市，亦係一個旅遊城市，但對我嚟講，唔算太吸引~
有啲地方就係咁，只要個行走方向係順路嘅，冇理由唔去，Salzburg 就係一個咁樣嘅地方~
我哋首先行去 Mozartplatz (莫扎特廣場)~
毗鄰有 Residenzplatz (大主教府邸廣場)~
再毗鄰有 Domplatz (大教堂廣場)~
再毗鄰有 Kapitelplatz (卡比地廣場)~
行完四個廣場就上山喇~
山上面有 Festung Hohensalzburg (薩爾斯堡城堡)~
上山可以搭纜車~
遊覽城堡分三個部份：
Section A：城堡建築部份，有 audio guide，亦有導遊帶領(純帶領，唔會有解說)~
Section B：歷史文物 (禁止攝影)
Section C：國王嘅私人地方 (禁止攝影)
見到咁樣分 ABC，當然係去咗 Section A 先~
建築本身唔算特別，反而今日天氣好，睇風景一流~
遊覽 Section B 時，竟然有人正在進行清潔工作，唔係局部，係大範圍嘅清潔工作，但同時又開放遊覽......
其實互相都有點阻礙對方......
話明係 ABC，當然會順序以 ABC 咁行，不過，完咗 Section C 後，係需要行多一次 Section B 先可以離開......
其實點解唔 BC 對掉？如果有需要咁命名，BC 唔可以對掉，咁又可唔可以提吓人行咗 Section C 先呢？不解~
行到最後會見到 Welt der Marionetten (World of String Puppets)~
再之後就到商店，又遇上清潔......
落返山之後，就去食午餐~
今日午餐嘅餐廳，唔係現場隨心揀嘅，係出發前已經有指定~
呢間餐廳叫 St. Peter Stiftskeller，係 St. Peter Stiftskirche (聖彼得主教修道院) 內嘅一間餐廳~
呢間餐廳 803 年已經開始經營，有成 1200 年歷史，一間餐廳可以有過百年歷史已經好勁，莫講話過千年~
內部環境......由於有其他客人喺度，就冇影相喇~
內部環境絕不華麗，但可以用典雅嚟形容，佈置恰到好處，相當舒適~
服務亦相當不錯，服務員冇因為我哋著到爛身爛勢咁入嚟而有半點歧視或厭惡~
我地叫咗一個 3-course，分別有：
CONSOMMÉ OF PRIME BEEF
vegatable slices, meat strudel
味道......有點複雜，唔可以話好食，但明顯經過精心烹調，唔係隨便食到嘅味道，而且偏鹹~
VEAL TENDERLOIN TIPS
pink roasted, creamy polenta, courgettes
小牛肉又係偏鹹，而且味道普通~
CRÈME BRÛLÉE
buttermilk parfait
甜品就幾好喇~
3-course 以外，點咗條魚~
CROATIAN SEA BASS
whole roasted, from the wooden stove grill, vegatables, grilled mini-potatoes
鱸魚表面乾乾地，但內裡一啲都唔乾，幾好食~
呢餐承惠 €86.8，唔算貴，幾合理~
雖不算好好食，不過係幾好嘅體驗，有啲似穿越時空，去返多年前嘅歐洲咁~
喺修道院嘅餐廳食完午餐，順理成章，就參觀埋修道院~
St. Peter Stiftskirche (聖彼得主教修道院)
後面仲有間小教堂~
之後就行去 Dom zu Salzburg (薩爾斯堡主教座堂)~
再之後就行去 Getreidegasse (穀物巷)~
在 Getreidegasse，差不多家家戶戶都有鑄鐵招牌，頗具特式~
Mozarts Geburtshaus (莫扎特故居) 亦位在 Getreidegasse 呢條街上~
所以呢條街亦好多具莫扎特模樣嘅朱古力出售~
不過條街正進行修路，完全冇晒應有嘅氣氛~
Salzburg 嘅一日遊都差唔多嘞，係時候行返去攞車~
回程時經過條橋，幾靚~
泊車費不出我所料，€20.7，赤！
本來之後想去 Anif Castle (安尼夫宮)，喺外面影幾張相~
不過宮外大範圍都係私人地方，車唔入得，附近亦搵唔到可以安心泊車嘅地方~
最後都放棄咗~
都唔緊要嘅，本身都只係諗住到此一遊就走~
放棄咗 Anif Castle，就直接去位於 Oberammergau (上阿瑪高) 嘅旅館，車程約 3 小時~
中途去咗休息站上洗手間，出返嚟之後，屎塔二話不說，徑自走咗上司機位......
驚心動魄嘅旅程，即將開始......
沿途都無驚無險，係心臟跳得快啲啫......
之後見到有個地方好似唔錯，就停低望吓~
屎塔都係過吓手癮而已，之後就我揸返~
去到旅館，未夠 20:00，未過 check-in 時間，不過已經冇人喺度，但見有鎖匙貼咗喺門口~
不過就冇位泊車，只好搵個唔阻人嘅位泊，都冇計~
泊好車就去搵嘢食~
4 fried sausages
with Sauerkraut and bread or roll
腸仔普通，佢有配埋麵包同酸菜，飽肚方面冇問題~
Hafner's Knuckle of pork
whole knuckle grilled, dark beer sauce, bread dumpling, cabbage salad
豬手有分全隻定半隻，我哋叫咗全隻，相信兩個人食應該食得晒~
味道不錯，不過又係鹹得滯，皮比較大塊~
最後唔係因為份量食唔晒，而係因為太鹹食唔晒，叫半隻就啱啱好，嘥晒~
食完晚餐就行返旅館，完結今日行程~
留言列表
