呢次台灣之行,完全係無啦啦促成嘅~
有一日有一刻突然想話到台灣走走,呢一秒有咁嘅諗頭,下一秒就問屎塔,再下一秒,就決定新年放假時去台灣行吓~
台北去過,不如今次去台中同台南一帶啦~
其實台中上次都去過,上次去台中主要係為咗影婚紗相,偷咗少少時間去日月潭同逢甲夜市,今次呢,真係想去吓上次已經想去嘅清境農場~
忽發奇想,重遊婚照場地如何?梗係好啦!
由於我唔係好熟台灣,開始做功課後先知道,台南係唔等於整個南部,台南就係台南、高雄就係高雄、屏東就係屏東,仲有,清境唔係喺台中,係屬於南投嘅......
睇咗近十本旅遊書,發覺對台南真係冇咩興趣,成條路線就定咗:台中入 → 清境 → 高雄 → 墾丁 → 高雄走
一直都諗住台中 → 高雄呢程,搭高鐵係不二之選,後來諗諗吓,反正我上清境都係租車,點解唔諗吓直接揸埋落高雄?
比較過兩個擇:
清境 → 台中還車 → 高鐵落高雄 → 捷運到民宿
二人車錢計,較貴;計埋還車手續、等車時間,到咗高雄仲要搭捷運去民宿,同揸車時間差唔多;到咗高雄仲要的住個篋搭捷運,冇咁方便~
清境 → 捷運到民宿
計埋油費高速公路費,都平過搭高鐵,租車方面可以到明早先交車,唔需要額外俾錢;唯一要考慮嘅係連續揸四個鐘車,頂唔頂得住~
最後決定自己揸車,頂唔住就交俾屎塔揸一陣~
出發!
文章標籤
全站熱搜
留言列表