今日主要景點：
Barcelona
Catedral de la Sau (大教堂)
Palau Güell (奎爾宮)
Museu Picasso (畢加索博物館)
Casa Milà (米拉之家)
呢間 Hostel 係包早餐嘅，hostel 包嘅早餐，都係預期般嘅簡單~
今日第一站係 Catedral de la Sau (大教堂)
由旅館去 Catedral de la Sau，搭 metro 便可~
第一次搭 Barcelona 嘅 metro，不停提醒自己要小心，打醒十二分精神！
結果係同之前一樣，都係有點過份擔心，其實只要做好一般防偷措施就冇問題~
Catedral de la Sau
參觀完出咗門口，見到附近好似有啲地方行吓，所以就周圍行咗一陣~
中間有個入口，又走入去睇吓，完來係 Catedral de la Sau 嘅另一邊~ 
下一站係 Església de Betlem (教堂)
由呢度去 Església de Betlem，步行便可，不過都有一段距離~
去 Església de Betlem，順便可以行吓 La Rambla~
La Rambla 可以話係 Barcelona 最出名嘅步行街~
而呢條街仲有一樣嘢出名，就係小偷，曾經見到有網民將呢條街戲稱為小偷街，多小偷嘅程度可想而知~
Església de Betlem
繼續源住 La Rambla 行落去~
er......會唔會求其咗少少呢？
一路行都有入啲紀念品店睇吓，只要你拎過嚟睇嘅，店員都會走埋嚟劈價氹你買，最盡開到半價都有~
不過間間賣啲嘢都係一樣，行咗幾間都冇再睇~
下一站係 Basílica de Santa María del Pi (教堂)
繼續源住 La Rambla 行落去，隻手一直撳住個袋，撳到個袋都有掌印咁滯，不過暫時又唔覺有可疑人物~
喺教堂附近見到有座建築物都幾靚~
Basílica de Santa María del Pi
下一站係 Palau Güell (奎爾宮)
Antoni Gaudi 為不少有錢人設計住所，而 Palau Güell 就係 Antoni Gaudi 為 Eusebi Güell 設計嘅住所~
原本安排聽日先去 Palau Güell，不過我見而家時間比較鬆動，Palau Güell 又喺附近，所以就決定行過去遊覽先~
途經一間賣香薰嘅專門店，入面有好多唔同造型嘅香薰，幾得意~
Palau Güell 門口~
買飛就要去佢隔離買~
入到去，原來門票已經包 Audio Guide~
Palau Güell 內部~
Palau Güell 天台~
Palau Güell，我會用好特別嚟形容，而唔會用好靚，都幾值得嚟參觀吓~
跟住經過一個廣場，當時知道叫咩名，不過忘了記低......
覺得呢個廣場都幾舒服~
下一站係 Mercat de Sant Josep (市場)
Mercat de Sant Josep 係一個好出名嘅綜合市場，有旅遊書講到嚟 Barcelona 的話一定要嚟 Mercat de Sant Josep，反正順路嘅，就嚟睇吓~
源住 La Rambla 一路行，唔難搵到 Mercat de Sant Josep~
本來想嚟呢度食 lunch，不過我發現有可疑人物，似係搵緊獵物，我同佢嘅眼神仲交流咗一吓，為免成為獵物，行咗一圈就離開，反正都冇咩吸引到我~
冇喺 Mercat de Sant Josep 食 lunch，就出返 La Rambla 搵嘢食，反正大把選擇，最後揀咗呢間~
EUR8.95 一個餐，3 Tapas + Paella \ Pizza \ Pasta
三款 Tapas 係固定嘅，冇得揀~
味道可以啦~
Ravioli al Sugo di
呢個就認真一般~
Paella Mixta
作為普通一餐，都 OK 嘅；但作為西牙出名嘅 Paella，就係咁嘅水準？咁就真係有啲失望喇~
不過咁，你俾幾錢先~~~
下一站係 Palau de la Música Catalana (音樂廳)
嚟呢個音樂廳，純粹為咗參觀吓佢嘅外表，如果想入內參觀，就需要參加導覽服務~
我哋就冇打算入去參觀，喺外面參觀吓就算~
由呢度去 Palau de la Música Catalana，其實唔係好遠，不過我為咗避開啲窄巷，所以就選擇兜個大圈咁行過去~
Palau de la Música Catalana
Palau de la Música Catalana 對開嘅大街幾有特式，又有啲特式建築物，我幾鍾意呢條街~
下一站係 Plaça del Rei (國王廣場)
唔知點解，我一睇到相就好鍾意呢個充滿中世紀色彩嘅角落，所以安排到嚟遊覽一番~
去 Plaça del Rei，仍然係步行可達，不過我行錯路，錯過咗個右轉路口冇轉到，再直行多 350 米先察覺，一來一回，就喺烈日下行多咗 700 米！
屎塔被我累到在烈日下行多咗 700 米冤枉路，實在太攰，就喺呢度搵咗個暗角，一坐低就進入瞓眠狀態，一瞓就超過半小時~
其實我都好攰，不過為咗安全，只好死撐，唔可以瞓埋一份~
休息夠就起程去下一站~
下一站係 Museu Picasso (畢加索博物館)
Museu Picasso 係包括係 Articket 七間美術館之一，不過我手上仲未有 Articket，唔知駛唔駛排隊呢？
去 Museu Picasso，仍然係步行可達，不過今次就避唔開窄巷喇，因為 Museu Picasso 就座落喺窄巷入面~
去到見到有十多人排緊隊，其實排埋一份都冇所謂嘅，不過既然見到工作人員，梗係走埋去問吓佢啦~
結果佢帶咗我去另一邊通道，通道中有服務窗口，就係喺呢度取得我哋嘅 Articket，而且可以經呢邊直接進入博物館~
入到博物館，好奇怪，見唔到有人影相，但我好留心睇，又見唔到有禁止拍照嘅告示，我哋都唔係好敢影~
行咗一陣，真係忍唔住，直接走去問職員，問佢係咪唔可以影相，得到嘅答案係唔可以影相嘅~
可能啲人排完隊買飛，跟住入博物館嘅入口會有告示，而我唔係由最大路嘅入口入，所以唔知，但冇理由館內完全冇告示咖！
呢間博物館嘅展品，大多係畢加索年少時開始至成名時嘅作品，如果想了解一下畢加索由年少至成名嘅生活歷程，嚟呢間博物館真係啱晒~
由於我係藝術品嘅大白痴，一心以為可以睇到畢加索很多著名嘅抽象畫，結果當然睇唔到~
不過就算係咁，我仍然覺得呢度嘅展品幾好睇，絕對不枉此行~
下一站係 Casa Lleo Morera (莫雷拉之家) \ Casa Ametller (阿瑪特勒之家) \ Casa Batlló (巴特由之家)
以上三個地方，建築風格各有特式，當中只有 Casa Batlló 開放給公眾參觀，Casa Batlló 亦係 Antoni Gaudi 嘅作品之一~
不過入場費實在太貴，要 EUR18.15 一個人，所以我哋都唔打算入內參觀~
三個地方都係喺同一條街，由呢度去，可以搭巴士，好方便，就喺對面落車~
Casa Lleo Morera (莫雷拉之家)
Casa Ametller (阿瑪特勒之家)
Casa Batlló (巴特由之家)
下一站係 Casa Milà (米拉之家)
Casa Milà 係 Antoni Gaudi 嘅作品之一，雖然入場費平過 Casa Batlló，但仍然不算便宜，要 EUR 16.5 一個人，不過咁，Casa Milà 係包括係 Articket 七間美術館之一，即係我唔需要額外俾錢就可以入去參觀~
Casa Milà 與 Casa Batlló 只有三街之隔，非常近~
行落去嘅時候，碰巧經過一間朋友推介嘅日本餐廳 - Fishop，不過我哋唔打算喺 Barcelona 食日本嘢，所以都冇打算嚟~
既然經過，都望兩眼了解吓，結果都係唔諗住幫趁~
Casa Milà 外觀~
Casa Milà 地下~
Casa Milà 天台~
突然間天色黑晒，原來有舊大黑雲飄緊過嚟，不過好彩最後都冇落雨~
Casa Milà 內部~
參觀完就去搵嘢食~
記得噚日行返旅館時，沿途都有啲嘢食，只係噚日冇咩胃口冇咩點留意，所以而家打算行返過去睇睇~
由呢度行返旅館只係兩個街口，再繼續行落去就係噚晚行過果條街，最後揀咗呢間~
叫咗兩樣嘢，不過首先上檯嘅係一碟魷魚，我哋同佢講我哋冇叫到，佢回覆話係送嘅~
真係有啲意外驚喜，而且仲幾好食添！
不過就熱氣啲，其實我由第一日到 Paris 喉嚨痛開始，到而家都未好，不過真係唔忍得咁多，食咗先算~
Lenguado con Verdura
比目魚，唔錯，幾好食！
Paella de Marisc
海鮮料嘅海鮮飯，明顯好過今日食過嘅好多，但仍然唔係我想像中嘅味道~
食係幾好食嘅，唔......唔係好識形容，好似唔係好夠風味咁，味唔夠濃，正唔正宗我梗係唔識啦~
不過上網睇過啲人話正宗嘅 Paella，係二人份起，而家可以就咁叫一份，係咪代表唔正宗呢？
而正宗嘅定義，係講緊烹調方法、味道、定係規定(二人份起)呢？我就唔知喇~
職員會幫我哋將碟海鮮飯分做兩份，佢分飯前拎過過嚟俾我哋睇，不過唔係幾好意思叫佢停低俾我哋影相，所以只有分好嘅相~
食完嘢就行返旅館~
喺旅館發生咗一件小事~
世事啲嘢真係整定嘅，平時我都係讓屎塔沖涼先嘅，今日唔知做咩係我沖先，當我搽完梘液時再開水，竟然冇熱水！
屎塔即刻走落 reception 度向職員求助，最後等咗十五分鐘就開始有返熱水~
喺呢件事上面，我唔單止冇不悅，而且仲好欣賞佢哋即時嘅回應，好快就解決咗件事~
留言列表
